【價投基本功】PE，PEG，PB

巿盈率 - PE (Price Earnings ratio)
巿盈率 = 股價 / 每股盈利

巿盈率反映了投資的回本期長短，如果巿盈率 = 20，即20年可以回本，其本上越低越好。

而巿盈率亦可分為「往績巿盈率」和「預測巿盈率」，平時看到如aastock睇到的是「往績巿盈率」，即用上年的盈利計算出來。但股票是買將來的業績，所以最好計到「預測巿盈率」，即用今年預測的盈利計算出來，不過要計算預測的盈利卻要下點功夫。

---

巿盈增長率 - PEG
巿盈增長率 = 巿盈率 / 每股盈利增長率

例如巿盈率 = 12，而每股盈利增長率 = 20%
巿盈增長率 = 12 / 20 = 0.6

如果用過去一年的PE計，盈利增長率就要用今年、明年、後年的平均值計算
例如：2016年PE / 2017-19的盈利增長率
好多時當 PEG > 1 時，就表示股價偏貴，要留意是否需要沽出。

---

巿帳率 - PB (Price to Book ratio)
巿帳率 = 股價 / 每股帳面值

帳面值 = 總資產 - 無形資產 - 負債
如果巿帳率 > 1 代表股價偏貴。

例如某間銀行股價是4元，而每股帳面值是8元
巿帳率 = 4 / 8 = 0.5，折讓甚大，可以留意。

---

當然，不能單用這些數據去決定買賣，亦要留意公司的狀況，現金流，也要記得巴菲特的3M

1. Moat

2. Management

3. Margin of Safety

【價投基本功】護城河

係價值投資方面，好多時都聽到3個M，分別係Moat「護城河」、Management「企業管治」和Margin of safety「安全邊際」，今次大叔想講少少關於「護城河」。

假設有一個城堡🏰，外面有一條護城河包圍住呢個城堡。可以幻想到當護城河越闊時，敵人⚔想攻入城堡就會越困難，如果河裏面有埋怪獸👹既話，城堡就會更加安全。轉從公司角度黎睇，強勁既「護城河」有好多種：

• 政府核准的特許經營權：港交所(全港只有佢可以作股票交易巿場)、賭股(要發牌才可以經營)
• 專利權：醫藥💊(其他廠商在有效期限期間不能複製生產)
• 規模效應及低成本優勢：其他公司想入行的話價格上好難夠抽
• 品牌：Apple，夠型夠潮，貴一貴都有一班Fans，大叔都係😁
• 轉換成本：ERP System，當公司用了SAP，要轉用Oracle、金碟，轉換成本不輕，又會勞民傷財。

「護城河」能夠令公司在市場上保持競爭優勢💪，而呢種競爭優勢可以幫助公司長期維持穩定既盈利能力，從而創造價值。

【價投基本功】毛利、經營溢利、股東應佔利潤

毛利 - Gross Profit
毛利 = 營業額 - 銷售成本
毛利率 = (毛利 / 營業額) x 100%
毛利率最好是有上升趨勢，代表利錢越來越大

經營溢利 - Operating Profit
經營溢利 = 毛利 - (公司的燈油火蠟、巿場推廣、行政費用等)
經營溢利率 = (經營溢利 / 營業額) x 100%
經營溢利率當然都係有上升趨勢好
股東應佔利潤 = 經營溢利 + (聯營公司、合資企業、少數股東權益等，即係其他搵到錢的項目!!)
純利率 = (股東應佔利潤 / 營業額) x 100%

股東應佔利潤 - Net Profit

一樣，純利率上升當然是好事，但要留意上升的原因是什麼？如果那個因素是一次性的話，例如賣資產，今年賣左收了錢，但下年就不會有，呢啲對於計算估值通常都會拿走。調返轉都係，如果純利率下降是因一次性的原因如撥備，合資企業蝕錢，也可以考慮在計算估值時拿走。

【價投基本功】速動比率

速動比率 = (流動資產 - 存貨 - 預付費用) / 流動負債
流動負債：指1年內到期的債務
存貨：例如電腦💻、iPhone📱、衣服👕
預付費用：客人先放低既費用，有啲類似訂金💰
流動資產：包括現金或銀行存款、短期投資、應收帳款、應收票據、存貨、預付費用等

假如大叔手上有8萬元現金，另有價值2萬元的手提電腦💻，但同時又欠債10萬元。有天債主突然要大叔歸還10萬元😱，但當刻大叔手頭上的電腦只能賣到1萬元，結果不能全數歸還10萬元債務😭。原來流動比率(8萬現金 + 價值2萬元手提電腦) / 10萬元 = 1，其實不完全安全的😕。

存貨📦會因時間，新款產品推出等因素令到價值越來越低，甚至歸零。
相比起流動比率，使用速動比率會更加保守嚴謹，通常至少等如1會較好。

【價投基本功】流動比率

流動比率 = 流動資產 / 流動負債
流動負債：指1️⃣年內到期的債務
流動資產：包括現金或銀行存款、短期投資、應收帳款、應收票據、存貨、預付費用等。

假設大叔身無分文，問銀行🏧借左10萬蚊元，當刻的流動比率 = 10萬 / 10萬 = 1️⃣
如果呢刻銀行突然要還錢，大叔都不會太擔心，因為手裏有10萬元可以全數歸還銀行的負債。

如果睇一間公司🏢，期望流動比率最好有2或以上(理論上)，越高代表短期內還債能力越高。所以當研究一間公司時，可以透過流動比率去睇下間公司有無太多債而有機會產生債務危機(恒大就係2021年的表表者)。

【價投基本功】市銷率 P/S

市銷率：P/S (Price-to-Sales Ratio)
市銷率 = ((股價 × 總股數)／營收) x 100% = (總市值／營收) x 100%

市銷率越細越好，通常用來計算還未有盈利既公司，例如香港電視做網購還在虧損既階段時，見到啲Blogger都會用市銷率去計算

係網上搵到啲人分享費雪點用市銷率去選股，係呢度記錄一下

1️⃣ 公司最近5年平均銷售收入年均增長率≧25%
2️⃣ 公司未來長期銷售收入年均增長率大約在15%~20%之間
3️⃣ 最近5年公司平均稅後利潤率超過5%
4️⃣ 公司負債率低於35%
5️⃣ 市銷率為0.75或更低的時候（即PS大於0小於0.75）
6️⃣ 避開市銷率超過1.5的股票，任何市銷率大於3的公司決不要碰
7️⃣ 任何超級公司的市銷率漲到3至6之間時，要堅決地賣出持股

【價投基本功】收息股

大叔既投資組合入面，收息股都佔左一大部分，總共有5-6隻。當中包括銀行股同電訊股，會揀業務穏定，有平穏增長既公司，而股息近幾年要都有6厘以上。

最理想當然係間公司有一定派息政策，業務不停有高增長，咁就可以收住股息咁等個股價上升，不過要搵到呢類公司唔容易。所以大叔揀左銀行股，因為銀行始終都係百業之母，應該長做長有，當然前排SVC同瑞信既事件動搖左全世界對銀行既信心，不過而家暫時都好似好返啲。另外揀電訊股因為係民生野，流動科技發展點都要有(例如5G)，所以揀左較龍頭既電訊公司買入收息。

不過大叔好早前都買左內房股，買個時貪佢高息，結果大家都知呢2年既情況。。。跌到一扑一碌😭。。。
雖然係血的教訓，但重新提醒大叔往後要繼續慎重地去揀股，不能再一時衝動。