大叔既投資組合入面，收息股都佔左一大部分，總共有5-6隻。當中包括銀行股同電訊股，會揀業務穏定，有平穏增長既公司，而股息近幾年要都有6厘以上。
最理想當然係間公司有一定派息政策，業務不停有高增長，咁就可以收住股息咁等個股價上升，不過要搵到呢類公司唔容易。所以大叔揀左銀行股，因為銀行始終都係百業之母，應該長做長有，當然前排SVC同瑞信既事件動搖左全世界對銀行既信心，不過而家暫時都好似好返啲。另外揀電訊股因為係民生野，流動科技發展點都要有(例如5G)，所以揀左較龍頭既電訊公司買入收息。
不過大叔好早前都買左內房股，買個時貪佢高息，結果大家都知呢2年既情況。。。跌到一扑一碌😭。。。
雖然係血的教訓，但重新提醒大叔往後要繼續慎重地去揀股，不能再一時衝動。